Хүн өөрийгөө танихын тулд шинжлэх ухааныг бүтээсэн,
түүн дотроос өөрийгөө тооны ухаан ба цахилгаансоронзонгийн
хуулиар таних нь бүр гайхамшигтай
Х. Сүхбаатар.
Амьдралын цэцэг дотор бие биеийнхээ төвийг дайрсан 19 тойрог нэг л зөв зургаан өнцөгтийг үүсгэж байна.Тэхдээ төвд нь бие биеэсээ дамжин ургасан зургаан дэлбээтэй долоон цэцэг харагдаж байна. 19 тойргоор 7 цэцэг үүссэн нь бүтцийн харьцааг илэрхийлбэл 19:7=2,714 хэмээх Эйлерийн тоо гарч байгаа нь амьтаны бүтэцийн үүслийн тодорхой хэсэг учраас дутууг “е” тооны хуулиар гүйцээх ёстой гэсэн далд утгыг агуулж байна гэж үзэв. Амьдралыг бүрэн дүрслэхийн тулд нумаар гүйцээж 114 дэлбээтэй 19-н цэцэг, зургаан оройд нь тус бүр гурван дэлбээт 6 цэцэг, гадна талд нь тус бүр дөрвөн дэлбээт 12 цэцэг нийт 180 дэлбээтэй 37 цэцгээс бүрдсэн тул нэгдсэн систем хэмээн үзвээс 180 дэлбээтэй 19 мөчиртэй зөв зургаан өнцөгт хэлбэртэй “мод”-ыг дүрсэлсэн гэлтэй. Энэ модонд хар зурхайн сүнс хадаглагдаж байна хэмээн сэтгэвэл хүнийг хар зурхайгаар зурагласан бололтой. Төвийг эзэлсэн долоон цэцэг нь бие биеэсээ ургасан буюу нэг л навч унахад систем эвдрэх(өвдөх) учраас хүний бие нь дүрс бие ба зургаан туслах биеэс бүрддэгийг илэрхийлж байна гэлтэй.
Эрлийн явцад амьдралын цэцэгтэй огт холбоогүйгээр бүтээгдсэн “Шидэт зургаан талт” хэмээн алдаршсан нэгэн геометрийн дүрстэй таарав : Энэхүү шидэт зургаан талт нь 19 ширхэг зургаан өнцөгтийг ганц том зургаан өнцөгт үүсгэж байхаар байрлуулахдаа, 1-ээс 20 хүртэлх тоог бүх чиглэлдээ нийлбэр нь 38 байхаар оноох ганцхан боломжийг өнөөгөөс гучаад жилийн өмнө Клиффорд У Адамс тогтоосон байв. Зураг 1а-ыг хар. Эрдэмтэн Р. Мижиддорж энэ “шидэт” зургаан талтын хоёр ба гурван хэмжээст дүрслэлээр хүний гавлын ясны дүрс зургийг гаргасан нь “шидэт” зургаан талтын шидний нэгийг нээсэн төдийгүй шинжлэх ухааны нээлт мөн тул Бид ч эрдэмтэн Р. Мижиддоржийн хойноос “шидэт” зургаан талтын шидийн эрэлд эрлээ үргэлжлүүлэж, эгээ ч хоосонгүй, өвөртлөж ирсэн жаахан хишгийнхээ зах цухаас нь уншигчиддаа хүргэе.
Хос онолоор шулууныг эр, тойргийг эм гэж нэрлэдэг учраас амьтаны биологийн бүтцийг дүрслэхдээ эмэгтэй дүрээр бүтээснээ амьдралын цэцэг гэж нэрлэсэн бол эрэгтэй дүрээр бүтээсэн шидэт зургаан талтыг нь “амьдралын гэр” гэж нэрлэвэл нэгэн юмс үзэгдлийн хоёр тал гэж ойлгуулахыг зорив. Амьдралын цэцэг, амьдралын гэрийн ижилсэх шинж нь 19-н ширхэг төвөөрөө огтолцсон тойрогт багтсан 3,4,6-н дэлбээтэй 37 цэцэг, амьдралын гэр биеэн даасан 19-н ширхэг зөв зургаан өнцөгт байгаа нь харилцан нэгэн утгат тогтолцоо байгааг нотлож байна. Эндээс хос хуулиар нэгний шинж төрхийг мэдвэл нөгөөгийн шинж чанарыг ургуулан сэтгэж олдог зарчмаар амьдралын гэрийг амьдралын цэцэгтэй жишие: 1. Хоёр дүрсний нийлбэр 19+19=38 тоо гарна. Нөгөө талаас энэ тоо алтан харьцааны зөрөөг хувиар илэрхийлбэл 38,1661 руу төхсөн тоо гарч буй нь хүний амь халуун эхийн хэвлийд байхдаа 38 градустай байж төрөхдөө нэг градусыг орчиндоо алдаж 37 градус болдог байна хэмээн дүгнэж байна.
Хүний биеийн хэмийг 36-37 градуст тогтмол барихын тулд 19-н ширхэг зөв зургаан өнцөгтөөс бүрдсэн нэг зөв зургаан талт эсвэл 19 ширхэг тойргоос бүрдсэн нэг зөв зургаан өнцөгт хэлбэртэй дүрс үүсгэвэл биеийн аль ч цэгт 38 градусын хэмийг тогтмол барьж байдаг автомат тохируулгын нууцыг илэрхийлж байна хэмээн таамаглал дэвшүүлье. Нөгөө талаас амьдралын цэцгийг соронзон хэлхээний онолоор, амьдралын гэрийг цахилгаан хэлхээний онолоор бүтээжээ.
2. Амьдралын гэр нь зураг2а-д үзүүлсэн төвөө тойрсон хоёр хүрээнээс тогтох аваас гадна хүрээний 12 ширхэг зургаан талтын 3 ба 9-ээс бусад нь хоёр оронтой таван эр, таван эм тоо байна. 3 ба 9 эр тоо буюу эр хүйс давамгайлж байхад дотор хүрээний зургаан талтын 1 ба 7 эр тоо, 2,4,8,6 гэсэн дөрвөн эм тоо байгаа нь эм хүйсийг илэрхийлж байна. Зурхайн 12 ордоос бүрдсэн, эр хүйстэн эм хүйстэнээ ивээж, улмаар хоюул үрийн төлөө амьдардаг байгалийн хуулийг илэрхийлж байнаа. 12 ширхэг зургаан талт байдаг нь цагаан зурхайн сүнсийг агуулна. Эр хүрээ нь эм хүрээгээ агуулж байгаа нь нөхөр нь гэрээ зэхдэг, эхнэр нь дотор тавилгаа зэхдэгтэй, эсвэл нөхөр өрхийн тэргүүн, эхнэр галын бурхан хэмээхтэй утга нэг болой. Гадна хүрээндэх 12 зургаан өнцөгт квадрат 144 гэсэн тоо оюун санааны бусад зүйлүүдтэй хэрхэн холбогддог тухай яриа ч бий. Энэ нүүдэлчдийн ухаан гэж . . . .
3. Төвд нь 5-ын тоо байгаа нь эцэг эхийн ариун холбоо хүүхдийг төлөөлж байна хэмээн цэцлэе. Тавын тоо нь тетраэдр-гал, куб-шороо, октаэдр-хий, икосаэдр-ус, додекаэдр-огторгуй болой. Шороо, агаар, гал, ус, огторгуйг тэнцвэржүүлдэг тул үер, түймэр, шороон болон цасан шуураг тэнцвэр алдагдуулна. Нөгөө талаас энэ тоо бол тэг цэгийн технологийн нууцыг илэрхийлнэ. Мөн төвийн зургаан талт ертөнцийг бүтээгч “бурхан” болой. Энэ төвөөс хүний 49 бие зургаан тийшээ цахилгаан соронзон долгион хэлбэрээр эргүүлэн тогтолцооны онолоор бүрэлдэн тогтоно гэсэн дүгнэлтэнд хүргэв.
Амьдралын гэрийн зургаан оройн гурвалжин нь 3,17,19; 18,11,7; 9,14,11; 15,13,14; 10,12,13; 16,19,12 гэсэн дараалсан дөрвөн эр, дараалсан хоёр эм гурвалжин, гэтэл дотор хүрээнд 7,1,2; 1,6,7; 6,8,1; 8,4,6; 4,2,8; 2,7,4; хоёр эр, дөрвөн эм гурвалжин үүсч байгаа нь ертөнцийн тэгшхэмт нөхцлийг хангаж байна. Тэхдээ гадна хүрээнд дан сондгой тоогоор бүрдсэн гурвалжин нэг байхад мөн дотор хүрээнд эм тоогоор бүрдсэн гурвалжин хоёр байгаа нь эр хүн эхнэргүй бол гэр эзэнгүй, эм хүн нөхөргүй бол бие эзэнгүй гэдэг сургаалтай утга нэг байна. Эсвэл үүд, өрх сахих хүү, удам сайтыг хайх охин гэхийн учирч энэ болой хэмээн цэцэрхэе.
Зураг 2в-д үзүүлсэн эр эм хоёр гурвалжинг хоёр хэмжээст дүрслэлд хувиргавал эрэгтэй, эмэгтэй хүнийг амьдралын цэцгээс үндэслэн гаргаж авсан тетраэдрон одонд хувирч байгаа нь амьдралын гэр нь амьдралын цэцэгтэй эквивалент гэдгийг нотолж байна. Амьдралын цэцгийн талаар гүнзгийрүүлэн үзье гэвэл ашигласан номын 1-ээс үзээрэй.
Амьдралын гэрт зургаан талаасаа 3,4,5,4,3 ширхэг зөв зургаан өнцөгтийг баганаар байрлуулаж, тус бүр дээрх тооны нийлбэр 38 байгаа нь эцэг, эх, хүүхэд, эх, эцэг гэсэн тоон дараалал нь физикийн хуулиар бол төвд тэмүүлэх хүчний үйлчлэлээр нэгдэн нийлж шинэ ертөнц үүсгэж байна. Эцэг 3-ын тоо, Эх 4-ын тоо, хүүхэд 5-ын тоо буюу эцэг, эх, хүүхэд гурвын хүйн холбоо тэгш өнцөгт гурвалжины хуулинд захирагдана гэсэн бидний хэдэн жилийн өмнө батласан онолтой тохирч байгаа нь дэвшүүлж байгаа үзэл бодол шинжлэх ухааны үндэслэлтэй гэдгийг нотлож байна.
19 тойрог буюу зургаан талтын 9 нь эм тоо буюу эм хүйсийг, 10 эр тоо буюу эр хүйсийг эсвэл эм нь 37 цэцэг байхад, эр нь 3-н ширхэг эсвэл 4-н ширхэг эсвэл 5 ширхэг зургаан талтын дээрх тоонуудын нийлбэр 38-ийг хувиар илэрхийлбэл эр нь 51%, эм нь 49% төрдөг байгалийн хуулийг илэрхийлж байна. Мөн цэцгийн зургаан дэлбээ, гэрийн зургаан тал нь эх болсон зургаан зүйл, хамаг амьтаны тусын тулд төрдгийг, эсвэл эр нь ясан төрөл учраас зөв зургаан талтаар, эм нь махан төрөл учраас 3,4,6 дэлбээт цэцгээр дүрсэлсэн, эсвэл тооны хэлээр эр нь тогтмол хэмжигдэхүүн, эм нь хувьсах хэмжигдэхүүн, эсвэл уран сайхны хэлээр бол муухай эр байдаг бол муухай эм хүн байдаггүйг, эсвэл эр хүний бүх шинж ил байдаг бол эм хүний бүх шинж нууц байдгийг, эсвэл гүн ухаанаар эр нь урт ухаантай, эм богино ухаантай, эсвэл эр нь өдөрт 7000 үг хэлэх нормтой бол эм нь өдөрт 21000 үг хэлэх нормтой, эсвэл эр нь өдөрт 6 удаа инээдэг бол эм нь өдөрт 62 удаа инээмсэглэдэг, эсвэл эр нь ямарч асуултанд хариулт нь бэлэн бус байдаг бол эм нь ямарч асуултанд хариулт нь бэлэн байдаг, эсвэл алтан харьцаагаар эр нь 60% бол эм нь 40% гэх мэтчилэн онол практикийн олон асуултын зөв хариултанд хүчээр хүргэж байгаа нь эрлийн үзүүрийн учиг зөв тайлагдсных бизээ.
Бидний хайж буй дүрс буюу амьдралын цэцэг, амьдралын гэр нь зураг№23-аас хүний хоёрдох ариун хүрдний дүрс болох нь нүднээ ил байна.
Иймд энэ гурван дүрс эхийн хэвлийд ураг бүрэлдэхээс эхлээд төрөх хүртлэх бүх процессийг нэгд нэгэнгүй тусгасан геометр дүрслэл гэдгийг дараах жишээгээр харая :
Тухайлбал “шидэт” зургаан талтыг цагийн зүүний дагуу 180 градус эргүүлээд тооны дарааллаар дүрсийг тодруулан доорх зурагт үзүүлэв.
Амьдралын цэцгийг ашиглан өндөгөн эс, эр бэлгийн эс, үр тогтох процессыг тайлбарлах талаар эрдэмтэд багагүй бүтээлүүдийг туурсан байна. Энэ судалгааны үр дүнтэй амьдралын гэрийг өндөгөн эс гэж үзэж, ид шидийг харьцуулан авч үзвэл Биологчид, Генетикчид өндөгөн эс нь нүдэнд нэгэн хүрээ харагддаг, түүний дотор 22+1 хромосомтой эмэгтэй цөм бүхий хүрээ бий гэж үздэг. Эр бэлгийн эс өндгөн эсэд хүрсэн тохиолдолд үр тогтолт явагддаг. Үүний тулд 300-500 сая эр бэлгийн эс шаарддаг. Энэ дотроос ганцхан эс өндгөн эстэй нийлж 44+2 хромосомтой ганц эс үүсдэг гэсэн онолыг баримтлан судалгааны шинжилгээний ажилд төдийгүй сургалтанд онолын үндэс болгон ашиглаж байгааг дурын ном, сурах бичгээс үзэж болно. Энэ онол дээрх амьдралын гэрийн онол болон бодит байдалтай нилээд зөрчилдөж байгаа учир дараах санал дэвшүүлж байна. Тухайлбал:
1. Ганц эр эс өндгөн эстэй золгохын тулд ийм олон сая үр шаардахгүй, байгаль тэгж алдах гэж байхгүй. Чанартай 10 эр үр байхад л хангалттай. Ихэнх нь үр буруу гуурсаар орчихдог гэж бичсэн байналай. Буруу гуурс ч гэж байхгүй. Алтан харьцааны онолоор эмэгтэй үр 628 мянгаас 309 сая үр гаргаж байх ёстой гэж алтан харьцаа зааж байна.
2. Өндөгөн эс нь төвөөрөө огтолцсон 19 тойргоор үүссэн 6-н дэлбээтэй, давтамжаар ялгаатай 7-н цэцэг бүхий бүтэцтэй учраас бусад эсээс 200 дахин том байдаг байна.
3. Нэг сард нэг биш 7 хүртэл тооны өндөгөн эс боловсруулах магадлалтай. Үүнийг нэг эхистэй ихэр, тус тусдаа ихэстэй ихэр, эсвэл долоон ихэр төрөх тохиолдол амьдралд ховор ч гэсэн тохиолддог нь батлаж байна.
Амьдралын гэрийн бүтцээр 19 эр бэлгийн эс өндөгөн эстэй нэгдэнэ. Нэгдэх дэс дарааллыг дээрх схемээр үзүүлсэн. Бусад илүүдсэн эр ба эм бэлгийн эсүүд шингэн төлөвт шилжиж урагийн амьдрах орчинг үүсгэнэ.
4. Эргэлттэй бөмбөг эргэлтгүй бөмбөгнөөсөө илүү хурдан унадаг буюу лографмын мушгираагийн хуулиар л хромосом Х буюу У хэлбэртэй байдаг нь хурдан хуваагдахын тулд бүтээгджээ. Х хромосомоос У хромосом жижигхэн байдаг нь ч үүнтэй холбоотой. Охин амьтан эр амьтнаасаа хурдан хөдөлгөөнтэй байдаг нууц нь үүнд оршино хэмээн цэцэрхэе. Хүн архийг амандаа удаахгүйн тулд шилтэй архийг шууд хоолой руугаа зайлж байгаад цутгадгийн учир үүнд оршино. Цахилгаансоронзон оронгийн онолоор хоёр орон хоорондоо 90 градусын өнцөг үүсгэж, гурав дах тэнхлэгийн дагуу гэрлийн хурдаар тархдагийн учир энэ.
5. Нэг өдөрт дундажаар 125 сая эр бэлгийн эс боловсордог нь үнэн бол сард дундажаар 3780 сая эс боловсруулж байхад эм нь сард ганц удаа ганцхан өндөгөн эс боловсруулж, 4 саяаас ганцхан эр эс үр тогтоодог гэж батлах шинжлэх ухааны үндэслэлгүй хэн бүхэнд ойлгомжтой. Шинжлэх ухааны үндэслэл нь бэлгийн харьцаа хийх үед ялгарсан 300 сая эр бэлгийн эсийг нэг өндөгөн эс бүрэн, үгүйдээ 40%-ийг нь хүлээн авах чадвартай байх ёстой.
Хүний биеийн бүтэц, эрхтэнүүдийн хоорондын харьцаа, тоо хэмжээ цөм алтан харьцаа буюу 1,618 тоо буюу фи тогтмол, е тоо, пи тоо зэрэг тоонуудын хуулиар бүтээгдэж байхад өндөгөн эсийн талаар ч нарийн судалгаа хийж, зөв хариу олох цаг ойртсон мэт санагдана. Энэ нууц амьдралын гэрт нуугдаж байгаа хэмээх саналыг дэвшүүлж, эрэлчдийн сонорыг мялая.
Ашигласан ном, зохиол
1. Друнвало Мелхиседик
“Атьдралын цэцэгийн эртний нууц” боть 1 2008 он.
2. Рэнчингийн Мижиддорж
“Аяндаа цэгцрэх тогтолцоо, түүний эргэн тойронд” 2009 он.
3. Хүрэлийн Сүхбаатар
“Эрдмийн бүтээлийн товчоон” 33-р боть
гэр бүлийн математик загвар ба төөргийн хүрд. 40-51хуудас. 2008 он.
Амьдралын цэцэг маш их таалагдсан Сайхан мэдээлэл бичсэн танд талархлаа
ReplyDelete